s.l. [Nord de la France - Nothern France], s.d. [circa 1480], leaf size 17 x 12 or 6.69 x 4.72 inches, 17 lines in a neat liturgical hand, brown ink, gothica bastarda, brown ink, attractive floral designs in blue, green, red and gold in a panel on the outer margin recto - verso.
Latin text:
Et in quibus te respexit quando te commendavit sancto iohanni apostolo et evangeliste, et quando te exaltavit super choros angelorum. Et per illam sanctam inestimabilem humilitatem in qua tu respondisti archangelo gabrieli. Ecce ancilla domini, fiat michi secundum verbum tuum. Et per illa gloriosissima quindecim gaudia que habuisti de filio tuo domino nostro ihesu xpristo.
Et per illam sanctam maximam compassionem et accerbissimum cordis dolorem quam habuisti quando filium tuum dominum nostrum ihesum xpristum ante crucem nudatum et ipsam levantem vidisti pendentem crucifixum vulneratum sicientem fel apponi, clamantem audisti et morientem vidisti. Et per quinque vulnera filij tui. Et per contractionem viscerum suorum pre nimio dolore vulnerum suorum.
Et per dolorem quem habuisti quando vidisti eum vulnerari. Et per fontes sanguinis sui et per omnem passionem eius.
Et per omnem dolorem cordis tui et per fontes lacrimarum tuarum ut cum omnibus sanctis et electis Dei venias, et festines .